Viltu gera reglubundna hreyfingu að lífsstíl?
Viltu gera raunverulegar breytingar sem endast?
Viltu fá betra form, bætta líðan og leiðsögn sem virkar?
Þjálfun hjá mér er meira en æfingar. Þetta er þinn tími, fyrir þína heilsu. Ég flétta saman hreyfingu, fræðslu og sjálfseflingu svo þú skiljir líkama þinn, hegðun og huga betur.
Ég hef stundað fjölbreytta hreyfingu alla ævi: styrktarþjálfun, hlaup, jóga, göngur og fleira. Samhliða hef ég sótt mér heildstæða þekkingu; bæði gegnum formlegt nám og sem hluta af óstöðvandi áhuga á heilsueflingu og hreysti. Ég blanda saman því sem virkar og því sem ég hef reynslu af – bæði sem iðkandi og kennari.
Ég þekki líka mótlætið: ofþyngd, verki, meiðsli, andlegt álag, tímaleysi, breytingaskeið og tímabil þar sem ekkert gengur upp. Þessi reynsla mótar nálgun mína og hefur leitt mig djúpt í seiglufræðin sem snúast um hvernig þrautseigja og styrkur í mótlæti eru byggð upp og notuð í raunverulegu lífi meðal annars hvað varðar hreyfingu og lífsstílsbreytingar.
Hugmyndafræðin sem ég geng út frá varðandi þjálfun, bæði mína eigin og annarra byggir fyrst og fremst á langtímahugsun. Hreyfing á að vera reglulegur hluti af skipulagi daganna og hún hefur tilgang.
Ég spyr spurninga eins og Hvað viltu verða gamall/t/gömul? Hvað viltu geta gert þegar þú ert kominn á síðasta áratug lífs þíns? Þessi hugmyndafræði sækir innblástur til Outlive bókar Peter Attia
Ég er reglulega með fasta jógatíma en það fer eftir árstíma og aðstæðum þannig að best er að hafa samband ef jóga er það sem þú sækist eftir. Á YouTube eru nokkrir jógatímar sem hafa verið teknir upp, í Covid var fjarjóga og svo hef ég tekið upp tíma og sett inn þegar forföll verða. Þessir tímar eru fyrir alla sem vilja taka góðan tíma heima og úrvalið ætti að vera nægilegt til að mæta ólíkum þörfum.
Ég er líka með einstaklingsmiðaða styrktarþjálfun og hlaupaþjálfun fyrir byrjendur þar sem fókusinn er á þá sem eru að koma sér af stað með hlaup eða byrja aftur eftir langt hlé?
Styrktarþjálfunin getur verið einkaþjálfun 1-2x í viku fyrir einn eða tvo saman. Miðað er við að æft sé 3-4x í viku. Sett er upp lágmarksplan í 4 vikur en ég vil helst horfa til lengri tíma og hvet til skuldbindingar til lengri tíma.
Hlaupaþjálfun fyrir byrjendur byggir á að skila 3 æfingum á viku og miðast við 4 vikur í senn. Í hlaupaþjálfun geta 2 til 3 verið saman. Markmiðið með hlaupaþjálfun er að koma hlaupunum í rútínu og komast yfir fyrstu vikurnar sem eru erfiðastar án þess að meiðast eða missa dampinn. Við förum yfir hlaupatungumálið; tempó, löngu hlaupin, pace, heart rate zones. Skoðum hlaupaöppin, snjallúrin og hlaupabúnaðinn. Eftir 4 vikur eru margir tilbúnir að halda áfram sjálfir en hægt er að bæta við vikum þangað til því markmiði er náð.
Ef þú hefur spurningar og vilt skoða möguleika á samstarfi getur þú sent mér póst tinnakh@icloud.com eða fundið mig á Facebook eða Instagram. Hér fyrir neðan eru skráningarform í þjálfun.
Fyrsta skrefið er alltaf þitt.
TRAUSTAR /tinna kristbjorg halldórsdóttir 